|
Garibaldiplatz xe tera de tuti
di
Ugo Pierri
el chiosco dei fiori tira aria de festa
i colombi plana ne la fontana svoda
i beca fiepe de anguria e torsoli de pomo
scolando lasko pivo a biondo dio
i serbi presta cazziole ai caporai
in garibardiplatz se vendi de tuto
i cinesi de tuto a poco prezo
la picola liù tien un cafè lustro come un specio
nico se paga i studi servendo ai tavolini
la duse fuma spagnoleti col bochin de argento
el pescadòr esponi el mar e poetiche pescade
no manca banche né banchi de rigatier
veci libri spuza de cantina
vestiti antichi sa de sepoltura
spale al comercio la madonina de oro
slarga i brazi al traficar dei auti
giulia minerva intanto sogna
e disegna fiabe sora i copi
|